#في_الصميم

#ليبيا_حرة والبراني يطلع برا... كيف تحققت هذه المقولة

خرجت علينا في الايام الاولى لنكبة فبراير شعارات وهتافات ما انزل الله بها من سلطان، من ضمن هذه الشعارات شعار (ليبيا حرة والبراني يطلع برا).

في البداية لم افهم معنى هذه الجملة لكن بمرور السنوات تجسدت واقع أمامي، لكن كيف... تعالوا نقوللكم

الطيار المرتزق الامريكي "جيمي سبونوغل" اللي كانت مستأجرانه حكومة الوفاق وكان يقصف ويقتل في الليبيين وتم اسقاط طيارته في الهيرة عام 2019، خليفة حفتر طلقه وسلمه لامريكا بعد 6 اسابيع فقط من اعتقاله، بل عومل معاملة خمسة نجوم قبل اطلاق سراحه دون اي محاكمة.

مكسيم شوغالي الروسي اللي قالوا عليه جاسوس يتبع الفاغنر، معيتيق وباشا سلموه معزز مكرم لروسيا حتى يسكبوا ودها وتدعمهم في الانتخابات القادمة.

حفتر افرج عن 18 صياد ايطالي عند زيارة رئيس الوزراء الايطالي السابق جوزيبي كونتي إليه في شهر ديسمبر الماضي.

حفتر يطلق سراح ستة أتراك احتجزتهم قواته في ليبيا سنة 2019 بعد تهديد صريح من اردوغان باستهادفه.

هذا قليل من كثير وبالمقابل الاسرى والسجناء الليبيين لازالوا يقبعون في السجون شرقا وغربا في منهم اللي عنده براءة وفي اللي ماعليه شي وفي اللي مش معروض على النيابة وفي اللي 10 سنين وهو ماشي جاي على المحكمة والى الان لا جديد و في و في وفي ........

وهكي اني شخصيا اكتشفت معنى (ليبيا حرة والبراني يطلع برا